Azərbaycan İlahiyyat İnstitutunun “İlahiyyat” elmi-publisistik jurnalı çap olunub

22 Sentyabr, 2020

Azərbaycan İlahiyyat İnstitutunun (Aİİ) “İlahiyyat” elmi-publisistik jurnalı dərc olunub. On dörd rubrikadan ibarət jurnalda öz sahəsinin peşəkar mütəxəssisi olan elm adamlarının, həmçinin Aİİ-nin tələbə və məzunlarının yazıları yer alıb.
Jurnalın bu sayı “Rəsmi guşə” rubrikası ilə başlayır.
“Qafqazda dini tolerantlıq tarixi ənənə kimi”, “Peyğəmbərlik: meydanoxuma”, “İslamda boşanma (talaq)”, “İslamda Qurban” adlı məqalələr “Cəmiyyət və din” rubrikasında dərc olunub.
“İlahiyyat” elmi-publisistik jurnalının “Tədris” rubrikasında “Distant təhsil”, “Təcvid elmində “ləhn” anlayışı və onun namazla bağlılığı”; “Vətənpərvərlik” rubrikasında “Erməni xisləti”, “Vətənpərvərlik şüuru din müstəvisində”, həmçinin “Qarabağ əzəli Azərbaycan torpağıdır” başlıqlı məqalələr yerləşdirilib.
“Baxış bucağı” rubrikasında “Dörd məfhum”, “Səmavi dinlərdə müqəddəs bayramlar” sərlövhəli yazılar yer alıb.
“Görkəmli empirik alim əl-Biruni”, “İbn Heysəm optika problemlərinin müsəlman tədqiqatçısı kimi”, “Azərbaycanı dünyaya tanıdan dahi” başlıqlı məqalələr isə “Müsəlman mütəfəkkirlər” rubrikasında verilib.
Jurnalın “Analitik təhlil”, “İslam əxlaqı”, “Araşdırma”, “Ədəbiyyat”, “Dəyərlərimiz”, “Məzun sözü”, “Təbəssüm” başlıqlı müxtəlif rubrikalarında fərqli məqalələr dərc edilib.
Qeyd edək ki, təsisçisi Azərbaycan İlahiyyat İnstitutu olan “İlahiyyat” elmi-publisistik jurnalının ildə 3 dəfə nəşr olunması nəzərdə tutulub.

alt menü